Pjevačica Bisera Veletanlić (81) ostavila je dubok trag kada je muzička scena bivše Jugoslavije u pitanju. Njena pjesma “Zlatni dan” i dan danas je himna o ljubavi.

Na društvenim mrežama je sada isplivao snimak iz centra Beograda, a na kom se vidi Bisera koja pjeva na ulici. Naime, pjevačica se pridružila djevojci koja je već pjevala na ulici pa je zapjevala svoju pjesmu “Zlatni dan”, a brojni građani su se okupili i snimali ih.

“Ovo je prelijepo”, “predivan glas”, “ovo samo ona može”, samo su neki od komentara.

Inače, pjevačica je nedavno za medije iznijela svoj stav o pop muzici, koja je , čini se otišla u drugi plan zbog novokomponovanih numera.

„Skrajnuta je. Ljudi jedva čekaju da čuju nešto normalno, nešto da ih dirne… Ali, toga nema. Trebalo bi iz temelja mijenjati sve, pa i u muzici. Muzika je onakva kakvo je i sve ostalo. Ono što se sluša po radio stanicama, čovjek ne može u to da vjeruje. Svi imaju istu šemu, a nigdje prave muzike”, kaže Bisera za Novu. (Naj portal)

@ivana.zaric

#biseraveletanlic

♬ original sound – ivana.zaric