Gotovo nepoznate i zaboravljene, ove kratke narodne mudrosti naroda iz starine ni do danas nisu izgubile svoj smisao. Umotvorine koje donosimo mogu da vam posluže u opisivanju nekih životnih situacija i karaktera određenih ljudi.

Dobavio se k’o ćelav kape.

Ovu izreku naš narod koristi u trenucima kada se domogne stvari koju je dugo priželjkivao.

Pala Mara, pala Sara.

Nije bitno koja, bitno da padne. Pomalo šovinistička izreka, ali poenta je jasna – svejedno je ko, samo nek’ neko nešto uradi.

Dok ti konju objasniš da je konj, počneš i sam da njištiš.

Svi smo barem jednom iskusili onu groznu situaciju kad nekome nešto pokušavamo da objasnimo i nikako nam ne ide od ruke jer nas ta osoba ne razumije. Dakle, ponekad je bolje jednostavno dići ruke – dok ne “pronjištimo”.

Ako činiš dobro, ne udaraj u veliko zvono

Došla su takva vremena da je dosta onih koji mogu i hoće da pomognu, ali pod uslovom da se o tome čuje na sav glas. Ova izreka apeluje na suprotno – pomozite i nemojte pričati.

Šuplju glavu i vjetar nosi.

Iako šupljoglavima neće mnogo značiti ova izreka, vama će pasti kamen sa srca ako je bar jednom izgovorite naglas.

Hoćeš vatru koja ne peče.

Tražite nemoguće? Svi smo to bar jednom pokušali da pronađemo…

Strah je pola nesreće.

Nemojte se plašiti, smirite se i sve će biti u redu. Znamo da zvuči teško, ali dajte sve od sebe da kontrolišete svoje strahove.

Vila se vila gdje nije bila.

Prilagoditi se na bilo kakve promjene (pozitivne ili negativne) nije nimalo lako, pa je zato naš narod smislio ovu izreku.

Više vrijedi što žena uštedi, no što muž zaradi.

Jer, zna se, mnogo je lakše zaraditi novac nego ga uštediti vodeći domaćinstvo.

Lako je prditi punom guzicom. / Sita mačka miševe ne lovi.

Sve je prilično jednostavno kada ste siti i kad imate sve što vam je potrebno, zar ne? Onda je lako i soliti pamet i pričati drugima kako nešto treba da se uradi. Otud i ove izreke.

Korila koza ovcu. / Smijala se kuka krivom boru.

Baš kao i “Smijala se šerpa loncu”. Ova izreka nam govori da moramo prvo da sagledamo sve svoje vrline i mane, prije nego što počnemo da osuđujemo druge ljude i da im se smejemo.

Više je dana nego kobasica.

Ne valja pojesti sve za jedan dan.

Račvast kolac u zemlju ne ide.

Gdje je nesloga onde ni napretka nema.

Ako ti mogu kupiti kapu, pamet ne mogu.
Ovdje ne trebaju Dopunska objašnjenja. Sve je jasno. (Naj portal/Opanak)