Snimak na kom se vidi kako crna sjenka ruši čašu piva bio je dovoljan da zaposleni jednog paba u Sanderlendu tvrde kako se pojavio “duh koji ne voli žene”. Naime, sigurnosna kamera paba “Viktorija gardens” je zabiljeežila kako, sa stola za kojim niko ne sjedi, čaša piva odlijeće na pod nakon što joj se približila misteriozna crna sjenka.
Pošto je ovaj snimak postao popularan na društvenim mrežama, lokalu u Sanderlendu su se javili raznorazni “istraživači misterija” u pokušaju da odgonetnu o čemu se radi, a menadžerka kafane Helen Medison izjavila je kako su se i ranije pojavljivali duhovi.
“Mnogo priča o duhovima na ovom mejstu postoji, od razbijanja čaša pa do toga da su neki gosti jednostavno osjećali jezu. Ipak, ovo je prvi put da takvu neku stvar imamo zabilježenu kamerom”, rekla je ona.
Kako je navela Suzan Džil, koja se predstavlja kao “medijum”, ona je posjetila ovaj pab nakon incidenta i otkrila da ga nastanjuju dva duha – jedan mrzi žene i stanuje u podrumu, a drugi voli tišinu i nastanio se u potkrovlju.
“On je i sumnjiviji, jer ruši čaše kako bi otjerao goste, tvrdi Suzan Džil, a prenosi Sanderlend eho.
Na video-snimku ispod možete da vidite ono što je zabilježila sigurnosna kamera pa da sami procijenite. Možda je u pitanju marketinški trik, možda ljudi iz paba svarno vjeruju u to što govore, ali jedno je sigurno – u 2020. godini, ništa ne bi trebalo da nas začudi. (Naj portal)
https://www.youtube.com/watch?v=OpII0MQoi14&feature=emb_logo&ab_channel=ViralPress
